စည်းလုံးခြင်းရဲ့  အင်အားArticles

ကျနော်နှင့် (ယွားဟေလူ) သို့မဟုတ် ပွိုင့် (၄၉၁) - အပိုင်း (၈)

Friday, 12 March 2010 11:42

ကျနော်နှင့် (ယွားဟေလူ) သို့မဟုတ် ပွိုင့် (၄၉၁) - အပိုင်း (၈)

ဆောင်းပါးရှင် - ဖထီး မန်းရောဘဇန်

အပိုင်း (၇) ကို ဒီနေရာမှာ နှိပ်ပြီး ပြန်လည်လေ့လာ ဖတ်ရှုနိုင်ပါတယ်။

ဆွန်ဇူး၏ (ဒဿန) ကို (Apply) လုပ်ရန်၊ အကောင်အထည်ဖေါ်ရန် တပ်မှူး ဗိုလ်မှူးကြီး စိုးစိုးထံ သတင်းပို့ပြီး ဗိုလ်သွေးအား တပ်မှူးထံ ခေါ်သွားသည်။ ဘတ်ငွေ ငါးသောင်း ထုတ်ပေးလိုက်သည်။ ဗိုလ်သွေး တစ်ဖွဲ့လုံး မိမိတို့တပ်ဖွဲ့နှင့် ပူးပေါင်းလိုက် သည်။ မိမိတို့၏ တောင်ဘက်ပိုင်း (နအဖ) တပ်မှလွဲ၍ ရန်သူမရှိတော့ပါ။ ဗိုလ်သွေးနှင့် တောင်ပိုင်း (ဒညတ) ပြဿနာ ပြေလည်သွားပါပြီ။

မှတ်ချက်။

ခေါင်းဆောင်ကြီး စောဘဦးကြီး၏ (The enemy of my enemy is my friend) “ငါ့ ရန်သူ၏ ရန်သူသည် ငါ့မိတ်ဆွေ ဖြစ်သည်” နှင့် တရုတ်စစ်ပါရဂူ ဆွန်ဇူး၏ (The supreme act of war is to subdue the enemy without fighting) “စစ်၏ အမြင့်ဆုံး လုပ်ဆောင်မှုသည် ရန်သူကို မတိုက်ရဘဲ အောင်နိုင်ခြင်း ဖြစ်သည်” ဆိုသည့် လမ်းညွှန်မှုကို မှန်ကန်စွာ အသုံးချ လိုက်သဖြင့် ဗိုလ်သွေးအဖွဲ့နှင့် ပေါင်းစည်းမှု ရလိုက်ခြင်း ဖြစ်သည်။ အကယ်၍ ဗိုလ်သွေးအဖွဲ့နှင့် တိုက်ပွဲ ဖြစ်ပွားရပါက ဘတ်ငွေ (ငါးသောင်း) ထက်မက ကုန်ကျမည် ဖြစ်ပြီး အသက်များစွာ ဆုံးရှုံးရုံမက အရင်းအနှီးနှင့် တန်ဖိုးများများ ပေးဆပ် ရမည် ဖြစ်သည်။

မြောက်ပိုင်းရှိ မွန်အဖွဲ့နှင့် တွေ့နိုင်ရန် စီစဉ်ရပြန်သည်။ (ဗဂုံမာန်) အဖွဲ့သည် (တရုတ်ဖြူ) ထံမှ အကူအညီ ရကြောင်း၊ တပ်မှူး တချို့ (တိုင်ဝမ်) တွင် စစ်သင်တန်း သွားတက် ကြောင်း၊ လက်နက်နှင့် စစ်သည်အင်အား ကောင်းမွန်ကြောင်း သတင်းရ သည်။ မွန်အဖွဲ့နှင့်တွေ့ရန် ၎င်းတို့နှင့်နီးစပ်သော ၎င်းတို့ထံ ဝင်ထွက်နိုင်သူကို ရှာသည်။ တွေ့ရပါသည်။ မွန်အဖွဲ့နှင့် ရင်းနှီသူမှာ ဗိုလ်သွေး ဖြစ်နေသည်။ မွန်အဖွဲ့နှင့် တွေ့ရန် ဗိုလ်သွေးအား စီစဉ်ခိုင်းရာ ၎င်းတို့မှ မိမိအား -

“တွေ့ချင်ရင် တစ်ယောက်ထဲ လာခဲ့” ရန် အကြောင်းကြားသဖြင့် မိမိတစ်ယောက်တည်း သွားရန် ဆုံးဖြတ်လိုက်သည်။

ဖထီး မန်းရောဘဇန်

ခရီးမထွက်မှီ မိမိရဲဘော်များနှင့် တွေ့ပြီး မွန်အဖွဲ့နှင့် သွားတွေ့ရေးကို ဆွေးနွေးရာ သဘောတူသူရှိသလို ကန့်ကွက်သူလည်း ရှိသည်။

“ဘာကြောင့် တစ်ယောက်ထဲ လာခိုင်းရတာလဲဗျ၊ အဖေါ်တစ်ယောက်တောင် ခေါ်သွားခွင့် မရရင် အသက်အန္တရာယ် မရှိနိုင် ဘူးလား”

“ရပါတယ်ကွာ၊ ဗိုလ်သွေးလည်း လိုက်မှာ ဖြစ်တယ်၊ မွန်အဖွဲ့ဟာ ငါတို့အတွက် အရေးကြီးတယ်”

မဟာမိတ်မဖွဲ့နိုင်ရင် ရေရှည်ရပ်တည်ဖို့ ခက်မယ်၊ ရန်သူကို အေးအေးဆေးဆေး တိုက်နိုင်မှာ မဟုတ်ဘူး၊ မွန်နဲ့ ကရင်ဟာ သမိုင်းစဉ်တလျောက်လုံး ဘုံရန်သူဆန့်ကျင်ရေးမှာ ဘဝတူတွေ ဖြစ်တယ်။ ကရင်လက်နက်ကိုင် တော်လှန်ရေး အစမှာ (KNDO) နဲ့ (MNDO) ရှိတယ်။ ရန်သူကို အတူ တိုက်ခဲ့ကြတယ်။ မွန်ခေါင်းဆောင်ကြီးတွေနဲ့ ကရင် ခေါင်းဆောင်ကြီးတွေကြား သစ္စာပြုချက် (၄) ချက် ရှိခဲ့တယ်။

သဘောထားရေးမယ် (0 ခု ရှိသည်။)

Last Updated on Friday, 12 March 2010 14:20 အပြည့်အစုံသို့

ပညာတော်သင်တဲ့လား… - အပိုင်း (၂)

Thursday, 11 March 2010 13:15

ပညာတော်သင်တဲ့လား… - အပိုင်း (၂)

ဆောင်းပါးရှင် - မြန်မာပြည်သား (ရုရှားရောက် မြန်မာပညာတော်သင်တစ်ဦး)

အပိုင်း (၁) ကို ဒီနေရာကို နှိပ်ပြီး ပြန်လည်လေ့လာ ဖတ်ရှုနိုင်ပါတယ်။

ကျနော် ဘာလို့ ဒီလိုပြောနိုင်သလဲဆိုရင် ကျနော်တို့ကိုယ်တိုင် ရုရှားနိုင်ငံရဲ့ အကောင်းဆုံးလို့ ပြောနိုင်တဲ့ တက္ကသိုလ်တွေမှာ ပညာသင်ယူ နေကြရသူတွေပါ။ တချို့ ရှရှားက တက္ကသိုလ်လေးများမှာဆိုလျှင် နိုင်ငံခြားငွေရဖို့သာ အဓိကထားပြီး ကျောင်း ကို တစ်ပါတ် ၃ ရက်လောက် သွားတက်ရုံမျှနဲ့ပင် ဘွဲ့ပေးနေပါတယ်။ ကျနော့်အနေနဲ့ အရပ်ဘက် တက္ကသိုလ် အသီးသီးမှာ ကျန်ရစ်ခဲ့တဲ့ ကျနော်တို့ရဲ့ ထူးချွန်သော ဆရာ/ ဆရာမတွေ၊ ကထိက၊ ပါမောက္ခကြီးတွေနဲ့ တကယ့်ကို လေးစားလောက် ဖွယ်ရာ (ဂျာမနီ၊ အင်္ဂလန်၊ ဂျပန် အစရှိတဲ့ နိုင်ငံတွေက ပညာတော်သင်ပြန်) ဆရာ ဆရာမကြီးတွေ ရှိရက်နဲ့ ဒီရုရှားနိုင်ငံကို နိုင်ငံတော်ပိုက်ဆံ (ပြည်သူပိုင်ပိုက်ဆံ) များအား ဖြုန်းတီးမှုသက်သက်သာ ပညာတော်သင် စေလွှတ်နေတယ်လို့ ယူဆပါ တယ်။ သူတို့သင်ပေးတဲ့ ပညာမျိုးတွေဟာ မြန်မာပြည်မှာပင် သင်ယူရရှိနိုင်ပါတယ်။ ဒီနိုင်ငံကို ပေးသွင်းရတဲ့ ဘဏ္ဍာများ၊ ပြင်ဦးလွင် စာပေ - (၂) ခေါ် စစ်တက္ကသိုလ် - (၂) တွင် ကုန်ကျမယ့် ပြည်သူ့ ဘဏ္ဍာများကို မြန်မာ့ပညာရေးမှာ (သင်ထောက်ကူများအတွက်) အသုံးချပြီး မြန်မာနိုင်ငံက ဆရာများနဲ့ပင် သင်ယူနိုင်ပါတယ်။

ယခုတော့ မြန်မာပြည်က M.E ၊ B.E ၊ M.Sc. ၊ B.Sc. ဘွဲ့ရများကို မြန်မာ့ပညာရေးတွင် ဂုဏ်ထူးတန်း၊ B - tech အဆင့် လောက်သာသာရှိသော ပညာရေးအား ဘာဘွဲ့အတွက် ရုရှားမှာ လာသင်ယူနေကြရမှန်းပင် မသိကြရပါ။ ရုရှားကိုမလာခင် အဆင့်ဆင့်သော အကြီးအကဲများ ပြောခဲ့တာကတော့ ဘွဲ့ကို မရရအောင် ယူခဲ့ကြပါတဲ့။ ကျနော် အဲဒီအချိန် တုန်းက မမေးရဲ ခဲ့သည်ကို ယခုမေးရလျှင်ဖြင့် မြန်မာနိုင်ငံအတွက် လိုအပ်နေတာဟာ နိုင်ငံခြား ဘွဲ့လက်မှတ်တွေ ဖြစ်နေပါသလား။ တကယ် လိုအပ်တဲ့ ပညာရပ်များလားဟု မေးချင်ပါတယ်။

သဘောထားရေးမယ် (25 ခု ရှိသည်။)

Last Updated on Thursday, 11 March 2010 17:26 အပြည့်အစုံသို့

ယနေ့ မြန်မာ့နိုင်ငံရေးအပေါ် စစ်မှုထမ်းဟောင်းတစ်ဦး၏ အမြင်

Wednesday, 10 March 2010 12:11

ယနေ့ မြန်မာ့နိုင်ငံရေးအပေါ် စစ်မှုထမ်းဟောင်းတစ်ဦး၏ အမြင်

ဆောင်းပါးရှင် - သံကြိုး

စာဖတ်ပရိတ်သတ်များခင်ဗျား

ပင်တိုင်ဆောင်းပါးရှင် တပ်ကြပ်ကြီးတစ်ဦးဖြစ်တဲ့ သံကြိုးက “စည်းလုံးခြင်းရဲ့ အင်အား” ဝက်ဘ်ဆိုဒ်သို့ “ယနေ့ မြန်မာ့ နိုင်ငံရေးအပေါ် စစ်မှုထမ်းဟောင်းတစ်ဦး၏ အမြင်” ဆိုတဲ့ ဆောင်းပါးတစ်ပုဒ် ပေးပို့လာပါတယ်။ ဒီဆောင်းပါးမှာ ၂၀၁၀ ခုနှစ် ရွေးကောက်ပွဲ ဝင်သူများကို ဝေဖန်ထောက်ပြထားပုံ၊ ကမ္ဘာ့နိုင်ငံ အသီးသီး ဒီမိုကရေစီစနစ်ကို ပြောင်းလဲ သွားရာတွင် ပုံစံ (၃) မျိုးရှိပုံ၊ အဲ့ဒီပုံစံများနဲ့ မြန်မာ့နိုင်ငံရေး အခြေအနေ ဖြစ်စဉ်များကို နိ်ှုင်းယှဉ် သုံးသပ်ထားပုံများဟာ စာဖတ် ပရိတ်သတ်များကို ဗဟုသုတ ရရှိစေပါတယ်။ ယခုလို ပေးပို့တဲ့အတွက် ပင်တိုင်ဆောင်းပါးရှင် သံကြိုးအား ကျွန်တော် ကိုဖိုးတရုတ်က အထူးပင် ကျေးဇူးတင်ရှိပါကြောင်း မှတ်တမ်းတင် ဂုဏ်ပြုဖော်ပြအပ်ပါတယ်။

နိုင်ငံရေးဆိုသည် ဘာလဲဆိုတာက စရရင် ပြည်သူလူထုတစ်ရပ်လုံး၏ စားဝတ်နေရေး၊ လူမှုရေး လိုအပ်ချက်မှန်သမျှဟာ နိုင်ငံရေးဘဲ၊ နိုင်ငံရေးကို ဘယ်လိုလူတွေ ဦးဆောင်မလဲ။ ဒီနေရာမှာ အစိုးရ (Government) ရဲ့ အဓိပ္ပါယ် လိုလာတယ်။ အစိုးရဆိုတာ လူ့အဖွဲ့အစည်းရဲ့ ကြီးကြပ်ထိန်းကိုင်မှု၊ လူ့အဖွဲ့အစည်းမှာ လက်အောက်တင်ပြမှု မရှိတဲ့ အစိုးရရဲ့ အုပ်ချုပ်မှု ဟာ ယန္တရားဆန်တယ်။ ပြည်သူလူထု လိုအပ်ချက်ကို လိုက်လုပ်ပေးတဲ့ အစိုးရမျိုး ပြည်သူလူထုက လိုလားကြတယ်။ အစိုးရ ရဲ့ လိုအပ်ချက်ကို ပြည်သူလူထုက လိုက်လုပ်ပေးနေရတဲ့ အစိုးရမျိုးကို နားလည်သော ပြည်သူတွေက လိုက်မလုပ်ပေး နိုင်ဘူး။ မလိုလားကြဘူး။

လက်ရှိ မြန်မာနိုင်ငံကို အုပ်ချုပ်နေတာက သူတို့ပြောတော့ တပ်မတော်အစိုးရဘဲ၊ တကယ်က အာဏာရှင် စစ်အစိုးရဘဲ။ စတင် အာဏာယူစဉ်က ရဟန်းရှင်၊ ကျောင်းသား ပြည်သူတွေကို သတ်ဖြတ်ပြီး အကြောက်တရားနဲ့ တိုင်းပြည်ကို အုပ်ချုပ် တာ (၄၈) နှစ်ခန့် ကြာခဲ့ပြီ။ ယနေ့ နိုင်ငံရေးသမားတွေကလည်း အာဏာရှင်စနစ် ပြုတ်ကျရေး၊ ဒီမိုကရေစီ ရရှိရေး အော်နေ ကြတယ်။ အုပ်ချုပ်နေတဲ့ စစ်အစိုးရကလည်း လမ်းပြမြေပုံ (၇) ရပ် ချမှတ်ပြီး လုပ်နေတယ်။ အဆင့် (၅) တောင် ရောက်နေ ပြီး မကြာခင် ရွေးကောက်ပွဲ လုပ်တော့မယ်။ ရွေးကောက်ပွဲကို ဆန့်ကျင်တဲ့ လေသံတွေလည်း ကြားနေရတယ်။

နိုင်ငံတော်၏ အနာဂတ် ရေရှည်အကျိုးစီးပွားအား ရည်ရွယ်လျက် ကျင်းပနေပါသည်ဟု

စစ်အစိုးရမှ အကြိမ်ကြိမ် လိမ်လည်ခဲ့ခြင်းအား ၎င်းတို့၏ စစ်ခေါင်းဆောင်ကြီးများက

ငိုက်မြည်းလျက် ဤကဲ့သို့ သက်သေထူခဲ့သည်

ဦးသုဝေ၊ ဒေါ်သန်းသန်းနု၊ ချိုချိုကျော်ငြိမ်း၊ ဦးဘဆွေသမီး တို့ကလည်း ရွေးကောက်ပွဲ ၀င်ဖို့ တာစူနေပြီ။ ရွေးကောက်ပွဲကို ဆန့်ကျင်တဲ့ သူတွေလည်း ရှိတယ်။ ရှေ့တိုး ထမ်းပိုး နောက်ဆုတ်ရင် လှည်းကျိုး၊ ရွေးကောက်ပွဲ ၀င်မဲ့သူတွေက ပွဲလန့်တုံး ဖျာခင်းတာဖြစ်မယ်ဆိုပြီး ဟိုတလောက ရေဒီယိုမှာ ကြားလိုက်တယ်။ VOA ကလည်း စကားလွန်မယ်တဲ့။ နိုင်ငံရေးသမား တွေ ဆိုတာက ဖျာလွတ်ရင် ၀င်ထိုင်မှာဘဲ။ လှေကြုံတွေ့ရင် စီးမယ်။ အလှူတွေ့ရင် ၀င်စားမယ်။ အိုင်တွေ့လို့မှ မကူးတဲ့ ကျွဲက ကျွဲရူးဆိုတဲ့ လူမျိုးတွေ ရှိသလို၊ နောက်ကျိနေတဲ့ ရေမှာလည်း ကျွဲကတော့ ကူးမှာဘဲ။

တိုင်းပြည်အတွက် တကယ်အလုပ်လုပ်မဲ့ နိုင်ငံရေးသမား မှန်ရင်တော့ ရေနောက်ကို အရင်ဆုံး ကြည်အောင်လုပ်ပြီးမှ ခပ်ချိုးကြမယ်။ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေ ဆိုတဲ့ အိုင်ထဲမှာ ကျွဲတွေဘဲ လူးမယ်။ လွှတ်တော်ထဲရောက်ရင် ဘာမှပြောရမှာ မဟုတ်တဲ့ အခြေအနေနဲ့ ရွေးကောက်ပွဲ ၀င်ကြမယ်ဆိုရင်တော့ ပြည်သူတွေ နွံထဲနစ်ပြီးရင်း နစ်နေမှာ ဖြစ်တယ်။

သဘောထားရေးမယ် (0 ခု ရှိသည်။)

Last Updated on Wednesday, 10 March 2010 13:10 အပြည့်အစုံသို့

ပညာတော်သင်တဲ့လား… - အပိုင်း (၁)

Tuesday, 09 March 2010 12:51

ပညာတော်သင်တဲ့လား… - အပိုင်း (၁)

ဆောင်းပါးရှင် - မြန်မာပြည်သား (ရုရှားရောက် မြန်မာပညာတော်သင်တစ်ဦး)

စာဖတ်ပရိသတ်များခင်ဗျား

ရုရှားနိုင်ငံရောက် မြန်မာပညာတော်သင်တစ်ဦးက “ပညာတော်သင်တဲ့လား” ဆိုတဲ့ ဆောင်းပါးတစ်ပုဒ်ကို စည်းလုံးခြင်းရဲ့ အင်အား ဝက်ဘ်ဆိုဒ်သို့ ဆက်သွယ်ပြီး ပေးပို့လာပါ တယ်။ ဒီဆောင်းပါးမှာ နိုင်ငံတော်အကြီးအကဲတွေဟာ နျူးကလီးယား အတွက် ရုရှားနိုင်ငံကို ပညာတော်သင် (စစ်ဗိုလ်) အများအပြားအား နိုင်ငံခြားငွေတွေ အမြောက်အများ အကုန်အကျခံပြီး (၁၀) နှစ်စာချုပ် ချုပ်ကာ DSA အပတ်စဉ် (၅၀) အထိ စေလွှတ်ခဲ့ပုံ၊ ၂၀၀၈ ခုနှစ်မှာ အရပ်ဘက် ပညာတော်သင်တွေကိုပါ ရွေးချယ်ပြီး သိပ္ပံနဲ့နည်းပညာ ၀န်ကြီးဌာနက ကထိက ဆရာများနဲ့ အဆင်မြင့်ပညာဦးစီးဌာနက နည်းပြ သရုပ်ပြ ဆရာ တွေကိုပါမကျန် အယောက် (၂၀၀) နီးပါး ရွေးချယ်စေလွှတ်ခဲ့ပုံ၊ ရုရှားနိုင်ငံမှ ပြန်ရင် ဘာဆက်လုပ်ရမည်မှန်း မသိသလို သက်ဆိုင်ရာ တက္ကသိုလ် ကောလိပ်များမှာ ပြန်လည် တာဝန်ထမ်းဆောင်ရမယ် ဆိုရင်လည်း ဘယ်ဌာနတွင် နေရမယ်မှန်း မသိဖြစ်နေကြပုံ၊ ရုရှားနိုင်ငံရှိ တချို့တက္ကသိုလ်များမှာဆိုလျှင် နိုင်ငံခြားငွေရဖို့ အဓိကထားပြီး ကျောင်းကို တစ်ပါတ် ၃ ရက် လောက် သွားတက်ရုံမျှနဲ့ပင် ဘွဲ့ပေးနေပုံ၊ မြန်မာနိုင်ငံကို ကောင်းစေ ချင်ရင်၊ ပညာကိုတကယ်လိုအပ်ရင် မြှောက်စားလိုရင် တော့ တကယ့်ပညာရမယ့် တိုင်းပြည်တွေကိုသာ စေလွှတ်သင့်ပုံ၊ တနည်း မြန်မာပြည်တွင်းမှာဘဲ မြန်မာ့ပညာရေး အတွက် ရုရှားမှာကုန်ကျမဲ့ စရိတ်တွေအား အသုံးပြုစေချင်ပုံတွေကို သုံးသပ် တင်ပြထားပါတယ်။ ယခုလို ပေးပို့လာတဲ့အတွက် ဆောင်းပါးရှင် ရုရှားရောက် မြန်မာပညာတော်သင် မိတ်ဆွေအား ကျွန်တော် ကိုဖိုးတရုတ်က အထူးကျေးဇူးတင်ရှိပါကြောင်း နဲ့ စည်းလုံးခြင်းရဲ့အင်အား ဝက်ဘ်ဆိုဒ် ပင်တိုင်ဆောင်းပါးရှင်အဖြစ် ဆက်လက် ရေးသားပေးပို့နိုင်ရန် တိုက်တွန်းရင်း တင်ပြ လိုက်ပါတယ်။

၂၀၀၉ ခုနှစ်အတွက် “အကောင်းဆုံး နိုင်ငံအကျိုးပြု သတင်းနဲ့စာပေဆု” ကို ရရှိခဲ့တယ်သိရလို့ စည်းလုံးခြင်းရဲ့ အင်အား ဝက်ဘ်ဆိုဒ် တည်ထောင်ခဲ့သူ ကိုဖိုးတရုတ်နဲ့အတူ ထပ်တူထပ်မျှ ၀မ်းသာဂုဏ်ယူမိပါတယ်။ သူငယ်ချင်းအနေနဲ့ နိုင်ငံကို ဖွံ့ဖြိုးတိုးတက်ဖို့အတွက် ရင်တွင်းဖြစ် ဆောင်ပါးများ၊ ရင်တွင်း ခံစားချက် သတင်းအမှန်များဖြင့် ကြိုးစားခဲ့တာ ဖြစ်သလို ကျွန်တော်တို့ အနေနဲ့ကလည်း နိုင်ငံကောင်းစားဖို့အတွက် အလိုရှိသူတွေဖြစ်ပါတယ်။ ကျနော့်အနေနဲ့ နိုင်ငံရေးကို ကောင်း ကောင်း နားမလည်ပါ။ ဘယ်သူတွေ အုပ်ချုပ်စေချင်ပါတယ် ဘာတွေပြောင်းလဲ စေချင်ပါတယ်လို့လည်း မပြောတတ်ပါ။

ရုရှားရောက် ပညာတော်သင်များ မိန်းကလေးဝတ်စုံဖြင့် ကခုန်နေပုံ

ကျနော်သိတာက ကျနော်တို့ နိုင်ငံဟာ ကမ္ဘာ့နိုင်ငံတွေအလယ်ကို မပြောနဲ့ အရှေ့တောင်အာရှမှာကို နိမ့်ပါးနေခဲ့ရပါပြီ။ ကျနော်တို့ အားလုံး ၀ိုင်းဝန်းကြိုးစားကြရမှာ ဖြစ်ပါတယ်။ ကြိုးလည်း ကြိုးစားချင်ကြပါတယ်။ ဒါပေမယ့် အဲလို ကြိုးစားခွင့် ကိုပဲ ရရှိအောင် အမျိုးမျိုးသော ဖိနှိပ်မှုတွေကြားကနေ စွမ်းနိုင်သလောက်လေး သန်မာပြနေကြရတယ် မဟုတ် ပါလား။

သဘောထားရေးမယ် (84 ခု ရှိသည်။)

Last Updated on Thursday, 11 March 2010 21:01 အပြည့်အစုံသို့